శ్యామశాస్త్రి కృతి : దేవీ బ్రోవ సమయమిదే

దేవీ బ్రోవ సమయమిదే

చిన్తామణి / ఆది

దేవీ బ్రోవ సమయమిదే 

అతి వేగమే వచ్చినా వెతలు దీర్చి కరుణిఞ్చవే 

శఙ్కరి కామాక్షి   

|| దేవీ బ్రోవ ||

లోకజననీ నాపై దయలేదా నీ దాసుడు గాదా
శ్రీ కాఞ్చి విహారిణీ కల్యాణీ ఏకామ్రేశ్వరుని

 ప్రియభామయైయున్న నీకేమమ్మా 

ఎంతో భారమా వినుమా నా తల్లి

|| దేవీ బ్రోవ ||


రేపు మాపని చెప్పితే నే వినను దేవి 

ఇక తాళను నేను ఈ ప్రొద్దు దయచేయవే 

కృపజూడవే నీ పదాబ్జములే మదిలో సదా యెఞ్చి 

నీప్రాపు కోరియున్నానమ్మా ముదముతో మా తల్లి
|| దేవీ బ్రోవ ||

శ్యామకృష్ణుని సోదరి కౌమారి బిమ్బాధరి గౌరి
హేమచలజే లలితే పరదేవతే కామాక్షి నినువినా
భూమిలో ప్రేమతో కాపాడేవరెవరున్నారమ్మా నా తల్లి

|| దేవీ బ్రోవ ||