శంకరస్తోత్రాలు : శారదాభుజఙ్గప్రయాతాష్టకమ్

॥ श्री शंकराचार्य कृतं शारदाभुजङ्गप्रयाताष्टकम्॥

॥ శ్రీ శంకరాచార్య కృతం శారదాభుజఙ్గప్రయాతాష్టకమ్ ॥

సువక్షోజకుమ్భాం సుధాపూర్ణకుమ్భాం
ప్రసాదావలమ్బాం ప్రపుణ్యావలమ్బామ్ ।
సదాస్యేన్దుబిమ్బాం సదానోష్ఠబిమ్బాం
భజే శారదామ్బామజస్రం మదమ్బామ్ ॥ 1 ॥

కుంభముల వంటిక్కు చక్కటి స్తనములు కలది , అమృతంతో నిండిన కుంభమును పట్టుకొన్నది , చంద్రబింబము వంటి అందమైన ముఖము కలది , వరములను ప్రసాదించు పెదవులు కలది అగు నా తల్లి అయిన శారదాంబను ఎల్లప్పుడు సేవించుచున్నాను.


కటాక్షే దయార్ద్రో కరే జ్ఞానముద్రాం
కలాభిర్వినిద్రాం కలాపైః సుభద్రామ్ ।
పురస్త్రీం వినిద్రాం పురస్తుఙ్గభద్రాం
భజే శారదామ్బామజస్రం మదమ్బామ్ ॥ 2 ॥


కటాక్షమునందు దయ , చేతిలో జ్ఞానముద్ర కలిగి అరవై నాలుగు కళలలో ఆరితేరినది , ఆభరణములతో మంగళకరముగా నున్నది , పురములను రక్షించు స్త్రీయై మెలకువగా ఉండునది మరియు అధికమైన శుభములను ముందుగానే కలిగించునది అగు నా తల్లి అయిన శారదాంబను ఎల్లప్పుడు సేవించుచున్నాను.


లలామాఙ్కఫాలాం లసద్గానలోలాం
స్వభక్తైకపాలాం యశఃశ్రీకపోలామ్ ।
కరే త్వక్షమాలాం కనత్ప్రత్నలోలాం
భజే శారదామ్బామజస్రం మదమ్బామ్ ॥ 3 ॥

తిలకం దిద్దిన నుదురు కలది , శ్రావ్యమైన గానమునందు ఆసక్తి కలది , తన భక్తులను రక్షించుటే ప్రధానంగా కలది , కీర్తికి మరియు శోభకు స్థానమైన చెంపలు కలది , చేతిలో జపమాలను పట్టుకొన్నది , తళుక్కుమను రత్నమాలలను ధరించినది అగు నా తల్లియైన శారదాంబను ఎల్లప్పుడు సేవించుచున్నాను.


సుసీమన్తవేణీం దృశా నిర్జితైణీం
రమత్కీరవాణీం నమద్వజ్రపాణీమ్ ।
సుధామన్థరాస్యాం ముదా చిన్త్యవేణీం
భజే శారదామ్బామజస్రం మదమ్బామ్ ॥ 4 ॥

అందమైన పాపట తీసిన జడను వేసుకొన్నది , ఆడలేళ్ళ కన్నుల కంటే సుందరమైన కన్నులు కలది , చిలకపలుకులున్నది , ఇంద్రునిచే నమస్కరింపబడునది , అమృతమయమైన ముఖము కలది ,  సంతోషముతో ధ్యానించదగిన అనేకరూపములున్నది  అగు నా తల్లియైన శారదాంబను ఎల్లప్పుడు సేవించుచున్నాను.


సుశాన్తాం సుదేహాం దృగన్తే కచాన్తాం
లసత్సల్లతాఙ్గీమనన్తామచిన్త్యామ్ ।
స్మరేత్తాపసైః సఙ్గపూర్వస్థితాం తాం
భజే శారదామ్బామజస్రం మదమ్బామ్ ॥ 5 ॥

మంచి శాంతము కలది , అందమైన దేహము కలది , జుట్టు కొసలవంటి కంటి చివరలు కలది , మెరుపుతీగ వంటి శరీరమున్నది , అనంతమైనది , ఊహించుటకు శక్యముకానిది , సృష్టి కంటే ముందుగానే ఉన్నట్లు మునులచే స్మరింపబడుచున్నది అగు నా తల్లియైన శారదాంబను ఎల్లప్పుడు సేవించుచున్నాను.


కురఙ్గే తురఙ్గే మృగేన్ద్రే ఖగేన్ద్రే
మరాలే మదేభే మహోక్షేఽధిరూఢామ్ ।
మహత్యాం నవమ్యాం సదా సామరూపాం
భజే శారదామ్బామజస్రం మదమ్బామ్ ॥ 6 ॥

లేడిపై , గుర్రముపై , సింహముపై , గరుడునిపై , హంసపై , ఏనుగుపై , ఎద్దుపై  అధిరోహించి మహానవమి రోజున సామవేదస్వరూపిణిగా ప్రకాశించు నా తల్లియైన శారదాంబను ఎల్లప్పుడు సేవించుచున్నాను.


జ్వలత్కాన్తివహ్నిం జగన్మోహనాఙ్గీం
భజే మానసామ్భోజసుభ్రాన్తభృఙ్గీమ్ ।
నిజస్తోత్రసఙ్గీతనృత్యప్రభాఙ్గీమ్
భజే శారదామ్బామజస్రం మదమ్బామ్ ॥ 7 ॥

అగ్నిజ్వాల వంటి కాంతి కలది , జగన్మోహనాంగియైనది , భక్తుల మనస్సనే పద్మముపై తిరుగు ఆడతుమ్మెదయైనది , తనస్తోత్రములందు , సంగీతమునందు  మరియు నృత్యమునందు  ఆసక్తి కల నా తల్లియైన శారదాంబను ఎల్లప్పుడు సేవించుచున్నాను.


భవామ్భోజనేత్రాజసమ్పూజ్యమానాం
లసన్మన్దహాసప్రభావక్త్రచిహ్నామ్ ।
చలచ్చఞ్చలాచారూతాటఙ్కకర్ణో
భజే శారదామ్బామజస్రం మదమ్బామ్ ॥ 8 ॥

శివునిచే , విష్ణువుచే మరియు బ్రహ్మచే పూజింపబడునది , ముఖంపై చిరున్నవ్వుల కాంతి కలది , చంచలమైన మెరుపువలే ప్రకాశించు చెవి కమ్మలు ధరించినది అగు నా తల్లియైన శారదాంబను ఎల్లప్పుడు సేవించుచున్నాను.

॥ ఇతి శ్రీ శంకరాచార్య కృతం శారదాభుజఙ్గప్రయాతాష్టకం సమ్పూర్ణమ్ ॥