పుణ్యతిథులు : రథసప్తమీ

 

రథసప్తమీ

ఈ పుణ్యదినమున అరుణోదయమందు స్నానము చేయవలెను.  ఈ క్రింది మంత్రముతో స్నానమాచరించవలెను. తలపై జిల్లేడు ఆకులుగాని, రేగు ఆకులు కాని, చిక్కుడుఆకులుకాని పెట్టుకుని స్నానమాచరించడం సంప్రదాయం.

యదా జన్మకృతం పాపం  మయా జన్మజన్మసు 
తన్మే రోగం చ శోకం చ మాకరీ హంతు సప్తమీ  ||
ఏతజ్జన్మ కృతం పాపం యచ్చ జన్మాంతరార్జితం
మనోవాక్కాయజం యచ్చ జ్ఞాతాజ్ఞాతే చ యే పునః  ||
ఇతి సప్తవిధం పాపం స్నానాన్మే సప్తసప్తికే
సప్తవ్యాధి సమాయుక్తం హర మాకరి సప్తమి ||

(క్లుప్తంగా అర్థం : అనేక జన్మలలో చేసిన పాపము, శోక, రోగ రూపములైన పాపము,  తెలిసి తెలియక చేసినది, ఈ సప్తమి నాటి స్నానము హరింపునని)

ఈ శ్లోకముతో అర్ఘ్యమునీయవలెను.

సప్తసప్తి వహప్రీత సప్తలోక ప్రదీపన 
సప్తమీ సహితో దేవ గృహాణార్ఘ్యం దివాకర ||

ఆవుపేడ పిడకలు కాల్చి క్షీరాన్నమువండి సూర్యునికి నివేదన చేయాలి. జిల్లేడు పూవులతో సూర్యుని పూజించాలి.

రథసప్తమినాడు ఆదిత్యహృదయం పారాయణ విశేషఫలములొసగుతుంది.  ఆకసంలో సూర్యరూపుడైన ఈశ్వరునికై రుద్రపారాయణము చేయవచ్చునని కొందరి అభిప్రాయం.

రథసప్తమినాడు నూతన వ్రతములు సంకల్పించుటకు మంచిరోజు.