శంకరస్తోత్రాలు : శ్రీహనుమత్ పఞ్చరత్న స్తోత్రమ్

 

॥ श्री शंकराचार्य कृतं श्रीहनुमत् पञ्चरत्न स्तोत्रं  ॥

|| శ్రీ శంకరాచార్య కృతం శ్రీహనుమత్ పఞ్చరత్న స్తోత్రం  ||

॥ శ్రీహనుమత్ పఞ్చరత్నమ్ ॥

వీతాఖిలవిషయేచ్ఛం జాతానన్దాశ్ర పులకమత్యచ్ఛమ్ ।
సీతాపతి దూతాద్యం వాతాత్మజమద్య భావయే హృద్యమ్ ॥ 1 ॥

సర్వేంద్రియ విషయ వాంఛలను విడచినవాడును, ఆనందముచే కలిగిన ఆనందభాష్పములను రోమాంచమును కలవాడును, మిక్కిలి నిర్మలుడును, రామదూతలలో మొదటివాడును - మనోహరుడును అగు వాయుపుత్రుని ఇప్పుడే మనస్సున తలచెదను.


తరుణారుణ ముఖకమలం కరుణారసపూరపూరితాపాఙ్గమ్ ।
సన్జీవనమాశాసే మఞ్జులమహిమానమఞ్జనాభాగ్యమ్ ॥ 2॥

నవవికసితమై యెఱ్ఱనైన పద్మమువంటి ముఖము కలవాడును, దయారస ప్రవాహముతో నింపబడిన కటాక్షములు కలవాడును, మనోహరమైన మహిమగలవాడును అగు అంజనా కుమారుని నాకెల్లవేళల సంజీవనముగా (చక్కని జీవము కల్గించువానిగ) ఎంచుచున్నాను.



శమ్బరవైరిశరాతిగమమ్బుజదలవిపులలోచనోదారమ్ ।
కమ్బుగలమనిలదిష్టమ్ బిమ్బజ్వలితోష్ఠమేకమవలమ్బే ॥ 3॥

మన్మథబాణములను అతిక్రమించినవాడును, తామర రేకులవలె విశాలమైన లోచనములతో నుదారుడుగా కన్పడువాడును, శంఖమువంటి కంఠముకలవాడును, దొండపండు వలె ప్రదీప్తమైన యధరోష్ఠము కలవాడును, వాయుదేవునికి పూర్వపుణ్య ఫలముగా కలవాడును అగు నొక్కదేవుని (ఆంజనేయుని) ఆశ్రయించుచున్నాను.


దూరీకృతసీతార్తిః ప్రకటీకృతరామవైభవస్ఫూర్తిః ।
దారితదశముఖకీర్తిః పురతో మమ భాతు హనుమతో మూర్తిః ॥ 4॥

సీతాదేవి దుఃఖమును తొలగించి శ్రీరాముని వైభవ విశేషము నెల్లచోచాటి రావణునికీర్తిని నశింపజేసి యున్న యా హనుమంతుని దివ్యరూపము నా యెదుట ప్రత్యక్షమగుగాక.


వానరనికరాధ్యక్షం దానవకులకుముదరవికరసదృశమ్ ।
దీనజనావనదీక్షం పవన తపః పాకపుఞ్జమద్రాక్షమ్ ॥ 5॥

వానర సమూహములకెల్ల ప్రభువును, రాక్షసకుల సమూహములనెడు కలువలకు సూర్యకిరణము వంటివాడును(కలువలకు సూర్యునకు విరోధము) దీనజనులను రక్షించుదీక్ష కలవాడును, వాయుదేవుని పున్నెముల పంటరాశియును నైన యాంజనేయుని జూడ గంటిని.


 ఏతత్పవనసుతస్య స్తోత్రం యః పఠతి పఞ్చరత్నాఖ్యమ్ ।
 చిరమిహనిఖిలాన్ భోగాన్ భుఙ్క్త్వా శ్రీరామభక్తిభాగ్భవతి ॥ 6॥ 

పంచరత్నమను పేరుగల ఈ హనుమత్ స్తోత్రము నెవడు పఠించునో వాడు చిరకాలము ఈలోకమున భోగముల ననుభవించి తుదకు ఆంజనేయునివలె  శ్రీరామభక్తుడు కాగలడు.

|| ఇతి శ్రీ శంకరాచార్య కృతం శ్రీహనుమత్ పఞ్చరత్న స్తోత్రం సమ్పూర్ణమ్ ||