శంకరస్త్రోత్రాలు : లలితా పఞ్చరత్నస్తోత్రమ్

|| లలితా పఞ్చరత్నస్తోత్రమ్ ||

ప్రాతః స్మరామి లలితావదనారవిన్దం

బిమ్బాధరం పృథులమౌక్తికశోభినాసమ్ ।

ఆకర్ణదీర్ఘనయనం మణికుణ్డలాఢ్యం

మన్దస్మితం మృగమదోజ్జ్వలఫాలదేశమ్ ॥ 1 ॥

దొండపండు వంటి క్రింది పెదవి, పెద్ద ముత్యముతో శోభించుచున్న ముక్కు, చెవుల వరకూ వ్యాపించిన కన్నులు, మణికుండలములు, చిరునవ్వు, కస్తూరీ తిలకముతో ప్రకాశించు నుదురు కలిగిన లలితాదేవి ముఖారవిందమును ప్రాతఃకాలమునందు స్మరించుచున్నాను.

ప్రాతర్భజామి లలితాభుజకల్పవల్లీం

రత్నాఙ్గుళీయలసదఙ్గులిపల్లవాఢ్యామ్ ।

మాణిక్యహేమవలయాఙ్గదశోభమానాం

పుణ్డ్రేక్షుచాపకుసుమేషుసృణీఃదధానామ్ ॥ 2॥

ఎర్రని రత్నములు కూర్చిన ఉంగరములు ధరించిన వ్రేళ్ళు అను చిగురుటాకులు కలదీ, మాణిక్యములు పొదిగిన బంగారు కంకణములతో  శోభించుచున్నదీ, చెరకువిల్లు - పుష్పబాణములు - అంకుశము ధరించినదీ అగు లలితాదేవి భుజములను కల్పలతను ప్రాతఃకాలమునందు సేవించుచున్నాను.

ప్రాతర్నమామి లలితాచరణారవిన్దం

భక్తేష్టదాననిరతం భవసిన్ధుపోతమ్ ।

పద్మాసనాదిసురనాయకపూజనీయం

పద్మాఙ్కుశధ్వజసుదర్శనలాఞ్ఛనాఢ్యమ్ ॥ 3॥

భక్తులకోరికలను ఎల్లప్పుడూ తీర్చునదీ, సంసార సముద్రమును దాటించు తెప్పయైనదీ, బ్రహ్మ మొదలగు దేవనాయకులచే పూజింపబడుచున్నదీ, పద్మము - అంకుశము - పతాకము - చక్రము అను చిహ్నములతో ప్రకాశించునదీ అగు లలితాదేవి పాదపద్మములను ప్రాతఃకాలము నందు స్మరించుచున్నాను.

ప్రాతః స్తువే పరశివాం లలితాం భవానీం

త్రయ్యన్తవేద్యవిభవాం కరుణానవద్యామ్ ।

విశ్వస్య సృష్టవిలయస్థితిహేతుభూతాం

విశ్వేశ్వరీం నిగమవాఙ్గమనసాతిదూరామ్ ॥ 4॥

వేదాంతములచేతెలియబడు వైభవము కలదీ, కరుణచే నిర్మలమైనదీ, ప్రపంచము యొక్క సృష్టి - స్థితి - లయలకు కారణమైనదీ, విద్యలకు అధికారిణియైనదీ, వేదవచనములకూ, మనస్సులకూ అందనిదీ, పరమేశ్వరియగు లలితాభవానీ దేవిని ప్రాతఃకాలము నందు స్తుతించుచున్నాను.

ప్రాతర్వదామి లలితే తవ పుణ్యనామ

కామేశ్వరీతి కమలేతి మహేశ్వరీతి ।

శ్రీశామ్భవీతి జగతాం జననీ పరేతి

వాగ్దేవతేతి వచసా త్రిపురేశ్వరీతి ॥ 5॥

ఓ లలితాదేవీ! కామేశ్వరి - కమల - మహేశ్వరి - శ్రీశాంభవి - జగజ్జనని - వాగ్దేవత - త్రిపురేశ్వరి అను నీ నామములను ప్రాతఃకాలము నందు జపించుచుందును.

యః శ్లోకపఞ్చకమిదం లలితామ్బికాయాః

సౌభాగ్యదం సులలితం పఠతి ప్రభాతే ।

తస్మై దదాతి లలితా ఝటితి ప్రసన్నా

విద్యాం శ్రియం విమలసౌఖ్యమనన్తకీర్తిమ్ ॥ 6॥

సౌభాగ్యమును ఇచ్చునదీ, సులభమైనదీ అగు లలితాపంచరత్నమును ప్రాతఃకాలమునందు ఎవడు పఠించునో వానికి లలితాదేవి శీఘ్రముగా ప్రసన్నురాలై  విద్యను, సంపదను, సుఖమును, అంతులేని కీర్తిని ప్రసాదించును.

॥ ఇతి శ్రీమచ్ఛఙ్కరభగవత్పాదాచార్య కృతం లలితా పఞ్చరత్నస్తోత్రం సంపూర్ణమ్॥

http://jagadguru-vaibhavam.blogspot.in/2016/01/blog-post_31.html