కంఠస్థం చేయదగిన శ్లోకాలు

 శ్లోకం - 1

వేలాతిలంఘ్యకరుణే విభుధేంద్రవంద్యే
లీలావినిర్మిత చరాచర హృన్నివాసే,
మాలాకిరీటమణికుండల మండితాంగే
బాలాంబికే మయి నిధేహి కృపాకటాక్షమ్.

  హద్దులేని దయకలతల్లీ! దేవేంద్రునిచే నమస్కరింపబడే దేవీ! లీలగా నిర్మించిన చరాచర జగములలోని వారి హృదయములందు నివసించుదానవు. మాలికలూ, కిరీటమూ, మణికుండలములతో అలంకరింపబడిన తనువు కలదానవు. ఓ బాలాంబికా! నా యందు నీ కృపాకటాక్షము ఉంచుము.

 శ్లోకం - 2

 అగ్రతః పృష్ఠతః చైవ
పార్ష్వతశ్చ మహాబలౌ
ఆకర్ణపూర్ణ ధన్వానౌ
రక్షేతాం రామలక్ష్మణౌ

ముందు వెనుక ఇరుప్రక్కల తోడుగా నిలచి చెవుల వరకు వింటినారిని లాగి విల్లంబులని ఎక్కుపెట్టిన మహాబలులు రామలక్ష్మణులు (నన్ను) రక్షింతురుగాక.